Ermitaberri ikastetxe berria noizko?
Betiko kontuak, betiko promesak, UPNko agintariei bost axola euskara!
Testua: Xabi Zelaia / Argazkiak: Marisa Torregrosa
Makina bat buruhauste eta kontu ari da berriro ere sortzen Burlatako Ermitaberri ikastetxearen inguruan. Ikastetxe publikoa jendez lepo dago eta duela urte bat paratutako modulu prefabrikatuak leku dezente kendu dio patioari. Ikasleek bi txandatan ateratzen dira errekreora eta jangelan hiru txanda egin behar izan dituzte.
Guraso elkartea aspaldi hasi zen mugitzen kontu honekin, gauza bera egin al du Burlatako Udalak? Hona hemen ERMITABERRI ikastetxearen historian emaniko une nagusienak:
-1987-1988 Ikasturtean Bakearen Ibilbidean dagoen Hilarión Eslava ikastetxe berrian D ereduko 3 urteko 6 ikaslerekin, gela bat sortu zen.
-1988-1989 Ikasturtean, Hiru Herri ikastola desegin zen eta han zeuden ikasle gehienak Hilarión Eslavara joan ziren D ereduko lerroa osatuz eta han jarraitu zuten 1995eko urtarrila arte, “A” ereduarekin ikastetxea konpartituz.
- 1995eko Urtarrilean “D” eredua Ermita kalean gaur egun dagoen “Ermitaberri” izendatutako ikastetxera pasatu zen.
- 2001-02 ikasturtean, ikasle kopurua ia bikoiztu da Ermitaberrin.
Ermitaberri sortu zenean, nahiz eta tokiz justu samar ibili, maila bakoitzean bi lerro izan zedin pentsatuta zegoen. 1998-99 ikasturtean argi zegoen toki urritasuna eta Hezkuntza Departamentuari zein Udalari, horrela esan zitzaien, urte gutxi barru eskola berri bat beharko zela adieraziz.
Matrikula gora joan zen heldu ziren urteetan eta 2000-01 ikasturtean matrikula gorakada ikusi eta gero (4 gela ireki behar izan zen), Hezkuntza Departamentutik behin behineko moduluak eskaini zizkiguten patioan jartzeko, ikasle eta irakasleen egoera hobetzeko, Ermitaberriko toki arazoa konpondu arte. Hala eta guztiz ere, gaur egun, errekreoan 2 txanda eta jantokiko 3 txanda antolatu izan behar dira, tokia ez dagoelako.
Kudeaketaren kronologia
1999ko Ekaina.
Eskola Kontseilua, Hezkuntza Departamentua eta
Udalaren artean izandako bilera batean, toki gehiago izan ahal izateko,
eskolako erreforma batzuk onartu ziren. Honekin batera “D” ereduko
ikastetxe berria eraikitzearen beharra ere onartu zen.
2000. urtea.
3 urteko matrikula izan zela eta, moduluak jarri
ziren ikastetxe berria proiektatu eta egin bitartean. Ikastetxe berriaren
epe desberdinak onartu ziren eta Hezkuntza Departamentuak, formalki, “E”
sektorean dagoen orubea, Udalari eskatu zion. Hemendik aurrera epe hauek
ez ziren bete, eskola berriaren eredua zein izanen zen ez jakitea argudiatuz.
2001eko uda.
Talde parlamentarioekin kontaktuak izan ziren,
horren ondorioz, Guraso Elkarteko agerraldi bat Parlamentuko Hezkun- tzako
komisio aurrean lortu genuen, baita Hezkuntzako kontseilaria zen Laguna
jaunarena ere.
2001eko Azaroa.
Hezkuntzako kontseilariak, Parlamen- tuko komisio
aurrean, esan zuen: “Burlatan ikastetxe berria egiten baldin bada,
D ereduko Ermitaberri ikastetxea ez da hara mugituko. Eredu hiru eledun
berri baterako izanen baita”. Beste aldetik, Eskola kontseiluaren
eta Guraso Elkartearen eskaerak “caprichosas” zirela eta Elkarteak
emandako datuek ez zutela zer ikusirik errealitatearekin adierazi zuen,
Ermitaberrik, tokiari eta espazioari dagokienez, legez, baldintza guztiak
betetzen dituela esan zuen.
Hezkuntza Departamentuak 2 urtez eskolako beharrak aintzat hartuz eta
orain emandako bira ulertezina da. Guzti hau, besteak beste, kontseilari
jaunak informazio okerra duelako izan daiteke.
Burlatako udalak, ez du behar zen eragina izan, afera guzti honetan, Burlatarako ikastetxe berri bat lortu ahal izateko. Orain arte egindako gauza bakarra, eskola berrirako orubea Nafar Gobernuari ematea izan da. Eskolatik hainbeste eskatutako egoeraren ikerketa bat egiteko, ez da gauza izan oraindik. Ezta Burlatako hainbeste familiek sofritzen duten arazo honi, serioki, aurre egiteko. Guraso Elkarteak ikastetxea bisita dezaten gonbidatu dute. Gonbida- pena jaso eta eskolara hurbil daitezen espero dute behinik behin.
| 95-96 | 96-97 | 97-98 | 98-99 | 99-00 | 2000-01 | 2001-02 | |
| 3 urte | 37 | 41 | 42 | 46 | 50 | 78 | 43 |
| Haur Hezkuntza | 90 | 107 | 120 | 130 | 134 | 173 | 170 |
| Lehen Hezkuntza | 123 | 134 | 153 | 167 | 189 | 204 | 223 |
| Ikasle kopurua | 213 | 241 | 273 | 297 | 323 | 377 | 393 |
 |
 |