Burlatako AEKko ZALDUALDE euskaltegira hurbildu ginen lehengoan, bertako ikasleei zenbait galdera egiteko, beno, galdera pare bat, hona hemen galderak eta erantzunak:

• Euskara ikasten dut uste dudalako nire kulturaren parte bat dela eta kultura galtzen bada herria ere galduko da.
  
  
• Nire ustez euskararen egoera hobea da gazteago nintzenean ez nuen kalean euskara entzuten eta gaur egun emeei entzuten zaie euskaraz hitz egiten hala ere oso gutxi entzuten da.

• Gure hizkuntza delako horregatik ikasi behar dugula uste dut. Txikitan nire herrian ez zegoen ikastolarik eta orain ari naiz ikasten.
  
  
• Burlatan oso jende gutxik hitz egiten du euskaraz, gehienek ez diote garrantzirik ematen baina zorionez badirudi seme-alabek ikastolan ikasten dutela euskaraz.

• Ezin diogulako gure kulturari bizkarra eman, ikasten ez badugu gure hizkuntza zaharra galduko da.
  
  
• Jendeak ez du euskara erabiltzen, euskaldunok ere oso gutxi erabiltzen dugu. Euskara ikasi edo gutxienez ezagutu eta errespetatu behar dugu.

• Niri euskara gustatzen zaidalako eta astia dudalako.
  
  
• Egia esateko euskara gutxi entzuten dut.

• Txikitan ezin nuelako euskara ikasi eta nire hizkuntza delako, beti ezagutu nahi izan dut gure kultura eta gure ohiturak
  
  
• Euskararen egoera Burlatan edo Nafarroa osoan nahiko antzekoa da, gure hizkuntzak ez du merezi duen errespetu falta

• Betidanik kristoren lotsa ematen zidalako euskara ez jakiteak besteak entzun eta ez ulertzean arraro sentitzen nintzen.
  
  
• Egoera jendeak egiten du hori dela eta aldatu nahi badugu jendea konbentzitu beharko dugu, hor dagoelako arazoa.

• Lagun asko egin ahal dugulako euskaraz hitz egiten eta ongi pasatzen dugulako jendearekin.
  
  
• Jende gazteak hitz egiten du, eta gainera AEK-k aukera asko ematen dizkigu euskaraz hitz egiteko eta gure kultura mantentzeko.

• Txikitan ez nuelako aukerarik izan eta orain hemengo hizkuntza ezagutzea interesgarria eta garrantzitsua iruditzen zaidalako.
  
  
• Instituzioetan euskarak leku gero eta txikiago badu ere kalean gero eta gehiago entzuten da. D ereduan matrikulatzen diren umeak gero eta gehiago dira. Euskaren oztoporik handiena gobernuaren hezkuntza politika penagarria da

• Gure hizkuntza delako eta asko gustatzen zaidalako nahiko nuke egun batean euskaraz hobeki hitz egin horrexegatik euskaltegira etortzen naiz nahiz eta oso denbora gutxi izan.
  
  
• Nahiz eta gero eta euskaldun berri gehiago izan kalean oso gutxi hitz egiten da eta gainera batzuek oztopoak jartzen dituzte. Nik uste dut denon artean euskara kalera atera behar dugula.

• Gure hizkuntza delako eta euskararengatik borrokatzeko euskaraz egin behar dugulako.
  
  
• Batzuetan pena ematen dit jendeak badaki euskaraz hitz egiten baina ez da mintzatzen.Gure seme-alabak animatu behar ditugu euskaraz hitz egitera.

• Gure hizkuntza delako eta egun batean nire seme-alabekin hitz egitea gustatuko litzaidakeelako.
  
  
• Alde batetik euskarak eraso asko jasaten ditu eta beste alde batetik badago jende asko euskararengatik borrokatzen duena. Jendeak ikasten duela ikusteak animo ematen dit.

• Ni Kubakoa naiz euskara ikasten dut gustatzen zaidalako eta oso hizkuntza aberatsa delako, gainera nire arbasoak euskaldunak ziren.
  
  
• Batzuetan penagarria da traba asko jartzen dituztelako euskaraz hitz egin eta ikasteko.

• Euskara ikasten dut gure kultura eta hizkuntza delako.
  
  
• Badirudi euskaldunok ez dugula eskubiderik.