Bajera batean dagoen edozein gazte-koadrilak guk baino gehiago pagatzen du hilabetero

David Erro ez dugu Burlatarra, Atarrabian bizi arren Peñako bazkide dugu eta bodega lanetan aritzen da beste lau lagunekin batera. Koadrila burlatakoa duenez gure herrian ibiltzen da. Atarrabiako kirolpatronatuan mantenimendu lanak egiten ditu ogibidez Davidek. 1995. urtean sartu zen Peñan eta kultur jarduerak eta kirol mailakoak egin ditu peñan, mus txapelketa antolatu zuen Peñan. Euskaraz gain ingelesez ere zerbait moldatzen omen da David.

Nando eta David izanen dira Peñak abiatu duen abentura berri honen nondik norakoak adieraziko dizkigutenak, haiekin izan ginen eta hagitz gustura gainera, peña erakusteaz gain, gure galderak zuzen eta zehatz erantzun dizkigute.
Jende dezente dabil Peñan, harat-honat, kutxak gora, kutxak behera, izan ere, oraindik inaugurazio ekitaldiak utzitako ondorioak nabari baitira elkartean. Jendeak fin egiten du lan: barran Igor Ripa eta Itziar Telletxea kamarak betetzen ari dira. Txarly, lasai-lasai dago barran dena gain begiratzen. Esperientziak ematen duen maisutasunaz, hemengoak
eta hangoak laguntzen ditu. Juanan Huertas sartu zaigu geroxeago, zalapartaren zala- partaz grabagailua itzali egin behar izan dugu berriro hasi ahal izateko.

122 pertsona gaude pe–an, horietatik 60 bazkide berriak dira.

Axular- Zer moduz zaudete aldaketarekin? Kontent geldi-tu al zarete?
Nando- Pozik bai, jakina. Lokal ederra dugu, baina beldur pixka bat ere badugu. Ez baita gauza bera han egotea (zinema zaharraren ondoan) edo hemen egotea. Etapa nahiko ezberdina izanen da oraingo hau eta egia esan behar badizut, ez genuke Peñaren betiko izpiritu hori galdu nahi. Laburbilduz, hagitz ilusionatuak, baina kezka pittin batez, ez baitakigu zer gerta dakigukeen egoitza berri honetan. Jende berri anitz sartu zaigu, agian jende ezberdina. Eta ez genuke elkarte gastronomiko hutsa izan nahi.

Axular- Zein da une honetan buruan duzun kezka nagusia?
Nando- Jendeak egoitza berria ikusita ez luke filosofia aldatu behar. Betikoak gara, betiko helburuekin, hori bai lokal berri honetan. Jarduera kulturalak ez genituzke atzendu behar. Jendearen arteko harremanak ere landu beharko lirateke, horretarako gaude Burlatan, erreferente bat izateko.

Axular- Zergatik etorri zara hona?
David- Peña zaharra ez zen gurea, erabiltzaile hutsak ginen. Peña zaharra apaizena zen. Lurrak Construcciones Pezona- gari saldu zizkion elizak (zinea, peña zaharra eta katekesia etxea) eta guk alde egin behar izan dugu.

PEÑA ORAIN..

Egun 122 bazkide dira, 28 urteko media egiten dute, bazkide gazteena Jon Izuriaga Notario da, 22 urterekin, beteranoena Balentxu Lara Etxetxipia, 42rekin. Denetarik dago: gazteak, gurasoak seme-alabekin, bikoteak (baita bertan sortutakoak ere). Batzorde Nagusiak 10 bat kide daude: Presidentea: Nando Pascual; Bodegeroak: David Erro, Montxo San Jose, Igor Ripa, Iban Iturria eta Jorge Valdivieso; Idazkaria: Berta Arizkun dugu; Diruzainak: Josu Urrutia eta Izaskun Arrarás; Iñaki Azanza ere bileretara azaltzen da. Peñak baditu beste batzorde batzuk, hona hemen zerrendatuak: Maiatza Rock-az arduratzen dena, Futbol Taldea, Peña Berria Kudeatzeko Taldea, Mendi Taldea.

Axular- Eta zergatik aukeratu duzue San Francisco kalea? Ez al zegoen beste lekurik Burlatan?
David- Ez zegoelakoz aukera handirik. Aukera urri batzuk aztertu eta hau erabaki genuen. Orreaga taberna zaharra eta beste lokal bat Presley dagoen kalean ikusi genuen, baita E-sektorean besteren bat ere, baina ez ziren egokiak guretzako.

Axular- Eta patio zaharra zer?
Nando- Girones plaza daukagu ondo-ondoan. Hemen inguruan beste Zaldua elkartea dago eta zenbait gazte bajera. Zerbait interesgarria egin liteke guztien artean, seguru nago.

Axular- Gauza gogorra izanen da esatea: hau da marka, berriro 0tik hasi behar dugu, berriro jendea animatu behar dugu dirua jar dezan, kredituak eska ditzagun, ...
Nando- Asanblada dezente, zenbaki pilo bat ateratzen genuen, jendea konbentzitzea ez zen erraza izan, jendeak ez zuen alde egin nahi, jendeak, zera esaten zuen: bidal dezatela goardia zibila, bestela ez gara hemendik aterako! Ez da, ez, gauza erraza izan. Nik ere hasieran ez nuen hagitz garbi.

Axular- Zenbat bazkidek egin dute alde?
David- 80 bazkidetik, 20 batek alde egin zuten hasieran. Azken hamabostaldi honetan 15 bazkide berri izan ditugu.
Nando- Gauza bitxia izan zen, bazkide ziren batzuek mila paper eskatzen zizkiguten; sartu nahi zuten berriek, aldiz, instantean prest ziren sinatzeko. Egia esaten badugu diru aldetik ez da hainbeste, begira, edozein gazte koadrilak, bajeretan dabilenak, guk baino dezente gehiago pagatzen du hilean.

Axular- Bazkide berririk onar- tzen al duzue oraindik?
Nando- Bai, problemarik gabe. Hasieran bagenuen muga paratzeko asmoa, baina momentuz ez dugu horretaz deus erabaki. Une honetan 122 gaude, eta jende berria onartzen dugu. Hamabostean behin, asteazkenetan biltzen gara, arratsaldeko 8etan.

Axular- Zer proportzio dago bazkide zahar eta berrien artean?
David- Erdi eta erdi. 60 zahar eta beste horren beste berri.

Axular- Peña hau norentzat egin duzue? Zer bazkide motarentzako?
Nando- Une ezberdinak ditu eta horrek aukera ederra emanen du gauza ezberdinak batera egin daitezen. Agian txikientzako gunerik ez dugu aurrikusi, denborarekin zerbait pentsatu beharko dugu. Egoitzak aukera ederra ematen du gauza anitz egiteko.

Bazkiderik zaharrena, Balentxu Lara Etxetxipia da; gazteena, berriz, Jon Izuriaga Notario.

Axular- Zeintzuk dira 2003. urterako helburuak?
Nando- Finkatze urtea izanen da guretzat. Lehenik, jende berria ezagutu (60 dira une honetan). Beste helburuak, bada, ez dakit, aurtengo maia- tza rock etorriko da eta ez dakit zer eginen dugun, gero festak, eta orain ez gaude lehen geunden une berean, ez dakit, ikusiz joanen gara.

Axular- Nola ikusten duzue Burlatako bizitza kulturala?
Nando- Asko ari gara galtzen. Gazteria bajeretan sartua daukagu eta ez dute gauza handirik egiten, beren mundu- etan sartuta daude. Ez dakit, Axularrek zenbait gauza egiten dituen moduan, guk ere, agian jende gazteagoarentzat ekitaldi anitz prestatu beharko genuke. Gainera, udalarekin ditugun harremanak nahiko eskasak dira, penagarria da.

Axular- AEKren ondoan egoteak zer esan nahi du?
Nando- Peñaren herena edo laurdena euskalduna da. Euska- ltegiaren ondoan egoteak agian zerbait esan beharko luke. Agian zerbait antola genezake AEKrekin eta gure bazkideekin.

Bazkide egin nahi duenak gurekin mintzatzen ahal da: asteazkenetan (hamabostean behin), arratsaldeko 8etan biltzen gara.

Axular- Azken mezurik burlata- ko jendearentzat?
David- Etor daitezela lasai Peña ikustera, hemen egonen gara arratsaldean, pasa daitezela hemendik, eta Peña erakutsiko diegu. Norbait bazkide egin nahi izanez gero, pasa hama- bostean behin, asteazkenean juntakoak biltzen gara arratsal- deko 8etan.

Eta horrelako kontuak! Kontu- ratu gabe ordu luzea joan zaigu jolas eta jolas, gustura zau -denean denboraren nozioa galtzen baitugu gizakiok. Egia esateko, Peña ederra egin dute, zabala, handia, jarduera eta ekitaldi anitz egiteko aukera eman dezakeena. Ez dugu dudarik Peñakoek lan dezente eginen dutela Burlatako bizitza bizteko, izan ere, denon artean herriari kolorea ematea baita gure lana, kolore bizia, eta ez konformismoaren zuribeltz itsusia.