Testua: Pentagramix
La Semana Musical Hilarión Eslava ha cumplido once años. Este año con más fuerza que nunca han pasado por la iglesia de las capuchinas la Coral de Cámara de Pamplona, la Coral San Juan Bautista de Burlada, el Cuarteto de Cuerda Collige Rosas y –cómo no- la Coral San Blas de Burlada. Es de agradecer el trabajo serio y profesional que lleva la Coral San Blas desde hace años en Burlata. Eskerrik asko.
Urtero, Arga ibaiak
musika nota ederrak ekartzen ditu Burlatara, eta nota horiek pentagrama
alaiak eta zoragarriak sakabanatzen dituzte gure herrian barrenean. Azaroa
musikaz jantzitako hila izaten da Burlatan. Eta aurten ere -ohitura onak
ezin baitira baztertu eta ahantzi- halaxekoa izan da: apain eta dotore
jantzitako hila.
Badira jadanik hamaika
urte San Blas abesbatzak Musika Aste hau martxan jarri zuela eta ardo
onak bezala –adituek ez badira gezurretan ari, bederen- urtetik urtera
betidanik izan duen zapore eta bouquet musikal hori errotzen eta indartzen
doa. Zer esanik ez Udaleko Kultur Patronatuak ere baduela bere meritua
kultur ekitaldi honetan, bere laguntzarik gabe pentsaezina izanen baitzen
holako Aste hau burutzea.
Hamaika urteotan Burlatako
eskenatoki eta oholtzetatik pasatu diren koru, talde eta kantariak asko
eta asko izan dira, estilo ia guztietakoak eta den-denek maila zein baino
zein altuagoa eta hobea eskaini izan dute. Ez gara hasiko orain parte
hartu duten guztien izenak ematen, baina esan dezagun Nafarroako korurik
hoberenak (eta denak) izan ditugula gurekin eta baita Gipuzkoako asko,
eta horiek ere hoberenetarikoak. Ezin dira kexatu, alafede, gure entzule
maiteak ekarri ditugun koruen kalitateaz.
Aurtengo Musika Asteari
lotzen bagatzaizkio, aipa ditzagun, ezer baino lehen, Astea baldintzatu
duten zirkunstantzia pare bat: batetik, Hilarion Eslavaren heriotzaren
125. urteurrena betetzen da aurten eta, bestetik, San Blas abesbatzak
bere jaiotzaren 20. urtemuga ospatu nahi genuen. Bagenuen, beraz, arrazoi
nahikoa Burlatako bi koralek parte hartzeko aurtengo ekitaldietan, eta
halaxe egin dugu.
San Juan abesbatzak
sartu zituen bere kontzertuan Eslavaren lau kanta (Korpus eguneko Sekuentzia,
Jesu dulcis memoria, Ave Maria eta La fuga bella), eta baita ederki kantatu
ere. Jendeak hala ulertu zuen eta txalo ugariz eskertu ere.
San Blas abesbatzak,
bestalde, kontzertu erlijiosoa eskaini zuen. Lehenengo partean Fauréren
Cantique de Jean Racine, Eslavaren Bone pastor, Sevillanas eta Tu es Petrus,
eta bukatzeko Haendelen sona handiko Alleluia. Bigarren zatian Mendelsshonen
42. Salmoa interpretatu zuen, organo akonpainamenduarekin. Elizan kabitu
ezinik zegoen jendeak berotsu eta indartsuki txalotu zuen San Blasen lana.
Aipamen berezia bakarlari lanetan aritu
zen Anabel Ariñorentzat, Mendelssohn-ek ere miretsiko zuen bakarlari
honen lana. Zorionak, Anabel.
Aipatu behar dugu,
halaber, bigarren zati honetan Orkoiengo San Miguel abesbatzak ere kantatu
zuela San Blasekin batera, izan ere, Javier Murikko zenak, San Blaseko
zuzendari ohiak, bi koralak sortu baitzituen. Hau izan zen gure omenaldia
xumea.
Koral hauekin batera,
Iruñeko Ganbara Abesbatza, Collige Rosas korda-laukotea eta Hilarion
Eslava Saria ere Aste Musika barruan izan ziren. Ikusten denez, aste oparoa
eta joria aurtengoa.
Eta urtero bezala
ere jendeak erantzun ezin hobea eman du: entzule ugari etorri dira kontzer-
tuetara, kaputxinetako eliza majo bete da gehienetan, eta aipatzekoa San
Blasek kantatu zuen egunekoa, zeren jende asko eta asko korura igo behar
izan baitzuen. Aldizkari hone-tatik eta denon izenean eskerrak eman nahi
dizkiegu etorri ziren guztiei, pozgarria baita guretzat holako harrera
ematea ilusioz prestatzen dugun Musika Aste honi. Mila esker, beraz, denoi.
Eta “artista”
hauen izenak betiko gera daitezen inprimaturik –urrezko letretan
ez bada ere-, hona hemen San Blas abesbatza osatzen duten partaide ororen
izenak:
