 |
Hemen
duzue egindako ateraldien fitxa txiki bat:
ORREAGA (950)
· ASTOBIZKAR (1542)
HASTEKO
TOKIA:
Kolejiata atzealdean dagoen aparkalekua.
IBILBIDEA: Hortik hego ekialdera doan pista nabaria hartu (GR 12), ezker
aldera dagoen lehenengo bidetik sartu (hau Santiagoko bidea da) eta hemendik,
Ortzanzurietako errepidea gurutzatu eta gero, Lepoederen (1412 m.) agertuko
gara. Hemen Napoleon bidea agertzen da, baina mendebaldera doan bidea
hartuz, 15 minutu inguruan gailurra zapalduko dugu.
GAILURRA: Astobizkar 1542 metro ditu eta bere aurrean Ortzanzurieta agertzen
da, 25 metro altuago eta askoz ezagunagoa. Toki oso zabala eta belardi
ugarikoa da, buzoi bat dauka gure egonaren froga utzi nahi badugu.
ITZULTZEKO BIDEA: Hoberena etorri garen lekutik itzultzea
da, baina errepidetik Ibañeta leporaino jaisten ahal da eta hortik
Orreagara ere.
ORDUTEGIA: Ordu eta erdi batean edo 2 ordu kostatzen ahal da.
|
|
|
ARALAR (940) ·
TUTTURRE (1282) · BELOKI (1277)
HASTEKO TOKIA: Lekunberriko errepideko 9,75 kilometroan dagoen pista.
IBILBIDEA: Pista horri heldu
eta basoa bukatzen denean, zementozkoa bihurtzen da eta ederki ere gogortzen
da. Aralarko alde biluzian, belardietan agertzen gara eta pista ere belarraz
eta buztinez da.
Segituko dugu aurrera eta mendebaldera, ezker aldean oso garbia eta borobiltsua
Beloki ikusiko dugu eta eskuin aldean zenbait harrizko puntak ikusiko
ditugu, altuena Tutturre da, justu Beloki aurrez aurre.
Tutturrera igotzeko atzeko aldetik doan bidea hartu beharko da, erreza
da ongi ez hartzea baina harriekin markatuta dago.
Beloki oso nabaria da.
GAILURRA: Tutturretik Malloak ederki ikusten dira, baita Araiz ibarra
ere. Toki aereoa da eta erabat harrizkoa.
Beloki gailurra belardi zabala bat da eta ere oso bista ona du .
ITZULTZEKO BIDEA: Mendebaldera Urdangoene lepotik, bailara sakon batera
jaitsiko gara, aurrerago erreka desagertzen da. Berriro ezker aldetik
bide markatua segitzen da eta utzi gabe eta orientazio hori segituz, errepidera
doan pista batean agertuko gara. Hemendik 2 Km. daude autoraino.
Etorri garen tokitik beste aukera bat da, baina besteak merezi du.
ORDUTEGIA: 3 ordu inguru.
|
 |
KODESEKO ANDRAMARI
SANTUTEGIA (791) · IOAR (1418)
HASTEKO TOKIA: Kodeseko Andramari Santutegia (Torralba Del Rio herritik
gertu)
IBILBIDEA: Ezker aldeko pista hartuko dugu, gero bideska batean bihurtzen
da eta Llanako leporaino heldu eta gero, basotik doan bide batetik, Ioar
gailurrera helduko gara.
GAILURRA: Antena izeneko zuhaitz erraldoiak badaude, iparaldera Lokiz
gertu eta hegoal- dera Errioxa eskuragai ere.
ITZULTZEKO BIDEA: Etorri garen tokitik errazena, dena den aukerak badaude
beste toki batzuetatik.
ORDUTEGIA: 2 ordu gehien bezala.
Pasa den azaroaren 30ean eguraldi txarra izan zela eta ezin izan ginen
joan Ioar mendira, baina batzuk Ermitaberri Guraso Elkarteak egun horretarako
antolatu zuen mendiko ateraldira joan ginen eta benetan zorte ona izan
genuela, eguraldia tregua bat eskaini zigun eta Unzueko haitzetara igotzeko
aprobetxatu genuen.
|
|
|
UNZUE
(670) · UNZUEKO hAITZA (990)
HASTEKO TOKIA: Unzue herrira sartu eta eskuinaldera igoko gara aparkaleku
bateraino.
IBILBIDEA: Aurrez aurre daukagu haitza eta horra joko dugu edozein bidetik,
gero pista bat hartuko dugu eta goian eta ezker aldean hilerria ikusiko
dugu, berehala pista eskuinera doa eta guk bidexka batetik joanen gara,
ez utzi goiko paretaraino ailegatu arte.
Hemendik bi aukera: politena baina kasu handiz ibiltzeko, ezkerrera eta
gora doana tximinia txiki batetik gailurreraino, bestea eskuinaldetik
errezagoa igotzen da haitza inguratzen.
GAILURRA: Zabala da, hala ere kasu hego aldeko amildegiekin haize fuerte
jotzen badu. Buzoia ondoko kasko txikiago batean dago.
ITZULTZEKO BIDEA: Toki beretik itzuliko gara.
ORDUTEGIA: ordu bat eskas.
Burlatako Ermitaberri Guraso Elkarteak ere edo bere mendi taldeak hain
zuzen ere, hilabeteoro ateraldi bat edo bi antolatu dituzte. 2004. urte
arte egutegia egin dute eta bere lema “ mendiz mendi, euskara lantzen,
Ermitaberri” eta ondoko hau da.
AZAROAK 9 Erga (1088m.)
AZAROAK 30 UNzue Haitza (990m,)
ABENDUAK 14 Jurramendi (1044m.)
URTARRILAREN 18 Belateko Monastegia. Ibilaldia
|
