Burlades futbol taldeko jokalaria: 'Profesionalek baino gehiago sentitzen ditugu koloreak'

La sensación del año en Burlata se llama Iñaki Zubillaga, delantero del Burladés, buen jugador, mejor persona y además euskaldún. Todo lo que hace falta para salir en nuestra revista. Bai horixe! Menuda entrevista la que le hemos realizado!

Iñaki Zubillaga, Burlades futbol taldeko jokalaria. 20 urte bete ditu aurten eta beti jokatu izan du herriko taldean. Hasiera batean hegaleko jokalari, aurten aurrelari aritzen da. Ez hori bakarrik, taldeko pitxitxia dugu momentuz.

Irakurle askorendako ezaguna izanen zara, beste batzuen-dako ordea ez. Nor da Iñaki Zubillaga?
1984. urtean jaio nintzen. Burlatan bizi naiz betidanik. Hemen ikasi dut, Hilarion Eslavan, Ermitaberrin eta Askatasunan. Orain Nafarroako Unibertsitate Publikoan Magisteritza ikasten nabil eta Burlades futbol taldeko aurrelaria naiz.

Noiz hasi zinen futbolean?
6 urterekin hasi nintzen. Burladesen areto futboleko taldean. Ez geunden lagun asko. Geroztik beste 14 urte ere pasa dira, beti etxeko taldean, kamiseta berdinarekin. Eta oso gustura.

Orain lehen taldean zaude, hirugarren mailan. Zer moduz doa denboraldia?
Niretzat oso ongi. Denboraldi honetan sarri jokatzen ari naiz. Nire bigarren urtea da lehen taldean. Iaz ez nuen askorik jolastu, baina tira, esperientzia hartu nuen behintzat.
Fisikoa ere hobetu nuen eta aurten aukera gehiago izan ditut. Momentuz hasierako hamaikakoan sartzea lortu dut.

Beti aritu zara aurrelari postuan?
Lehen, areto futbolean aritzen nintzelarik aurrelari nintzen, bai. Gero, futbol zelaira pasa ginelarik erdialdean jokatzen hasi nintzen, euskarri deitzen den postuan. Hortik punta-erdiko lanak egitera pasa nintzen. Urteak pasa diren heinean, hegalean ere jokatu izan dut. Hirugarren mailara igo nintzelarik leku horretan jokatzen nuen, hegalean. Baina gure aurrelariek min hartu eta ni jarri ninduten hutsune hori betetzen.

Zenbat gol lortu dituzu mo-mentuz?
Aurten lau.

Eta taldea, ongi?
Ba egia esan ez dakit zer postutan goazen ere, harrapatu nauzu (kar, kar). Sailkapenaren erdialdean gaude, hori bai. Puntu gutxiko tartea dugu goialdean daudenekin, baina baita behealdean daudenekin ere. Talde gaztea gara eta mailan egonkortzea da gure helburua, datozen urteetan zerbait gehiago lortzeko asmoz. Momentuz ez dugu igoeran pentsatzen.
Taldea ez dago horretarako prestatua. Iaz bai, fitxaketa asko egin zituzten eta igoerako fasea jokatu genuen, baina sailkatzeko inolako aspiraziorik gabe. Aurten talde gaztea dugu, beraz, helburua, mailari eustea da.

Esan diguzu duela bi urte eman zenuela hirugarren mailarako jauzia. Aldaketa handia aurreko mailetako jokatzeko moduarekin?
Iazkoa izan zen nire lehen urtea hirugarren mailan eta oso zaila suertatu zitzaidan.
Gazteen mailan aritua nintzen ordurarte, eta aukerak izatea zaila izaten da normalean.
Azkenaldian entrenatzailearen konfidantza neureganatu nuen eta oso gustura, batez ere lehen esan dizudanarengatik, fisikoa asko hobetu dudalako eta horrek gauzak errazten ditu.

Taldean denak hain gazteak al zarete?
Denetarik dago. Gazteenak 18 urte ditu, aurten igo da gazteen taldetik. Gero, 20, 21, 23 urte-koak ere badaude batzuk, hogeitabederatzikoak ere bai,...

Eta aurkari zaharragoek ba al dizuete errespeturik?
Askotan ume mokoak garela uste dute bai. Hori gertatzen da. Gainera ni aurrelari naiz eta defentsekin izaten ditut nire gatazkak.

Zer gustatuko litzaizuke egitea futbol munduan?
Futbolean jarraitzeko asmoa dut. Burladesen jarraituko dut. Ez dut gauza handiagoetan pentsatzen. Ez dut uste Osasunan jokatuko dudanik, adibidez. Aukera suertatzen bada, bai, noski. Baina nik Burladesen jarraituko dut, lagunekin, lan talde polita eginez eta momentuz, kito. Niretzat futbola hobbya da, profesionaletara oso gutxi heltzen dira eta ez dut uste ni horietako bat izanen naizenik.

Unibertsitatean ikasten duzula esan diguzu. Futbolak denbora asko kentzen dizu?
Astean 3 egunez egiten ditugu entrenaldiak, ordu t’erdi edo bi ordukoak. Eta gero, larunbate-tan partidak. Alde horretatik ez dut arazorik, futbola eta ikasketak aldi berean aurrera eramateko ez dut trabarik. Eskolak goizean ditut, entrenal- diak arratsaldez, berandu samar gainera, beraz ikasteko denbo-rarik ez zait falta.

Burladesen aritzeak sakrifizio berezirik eskatzen du?
Pixka bat zaintzea baina gauza gehiagorik ez. Askatasuna dugu nahi duguna egiteko, parrandak baren, noski (kar, kar). Hirugarren mailan ez dago eskakizun berezirik.

Gaurko futbolean, galaktikoak, milioien dantza eta enparauak ezagutzen ditugu. zer iritzi duzu horri buruz?
Futbolari profesionalak diruarengatik mugitzen dira, berdin zaie non jokatu. Kategoria baxuago-etan koloreak gehiago sentitzen dira. Ni Burlatakoa naiz eta Burladesen jokatuko dut, aukera hobe bat sortzen ez den bitartean.