Gure sorreran ideia nagusi bat genuen: bada musika ikasteko era ezberdin bat, serioa ez dena, alternatiboa. MUSIKALDI musika ikastetxe profesionala izanen da. Datorren ikasturtean, irailean hasiko da martxan
1 - Zein
da SOL SOSTENIDOk Burlatan, musikaren alorrean, betetzen duen funtzioa?
Zertarako sortu zen zuen ikastetxea? Musika hagitz sartua dago Burlatako
bizitzan. Hortxe kokatzen da gure ikastetxea: kontzertuak, fanfarrea eta
bestelako musika taldeak karrikaratuz. Gure sorreran ideia nagusi bat
genuen: bada musika ikasteko era ezberdin bat, serioa ez dena, alternatiboa.
Guk musika arlo guztiak integratu egiten ditugu. Adibidez guretako Hizkuntz
Musikala honela ulertzen dugu: irakurketa, armonia, moldaketak, konposizioa,
piano osagarria, informatika musikala, inprobisaketa teknikak: era klasikoa,
modernoa eta folklorean ... Honela lan eginez ikasleek hagitz ongi pasatzen
dute eta bidenabar, musika formakuntza osoa hartzen dute. Argentinan horrela
lantzen dute musika hezkuntza aspalditik hagitz emaitza onekin gainera.
Okerrena irakasleari dagokiona da: birziklapena behar-beharrezkoa baita
etengabe.
2 -
Urteak pasa dira. Benetan balio izan
du zuen apustuak?
J akina baietz. Emaitzak zoragarriak dira eta jendeak argi ikusten horrela
ikasteak merezi duela, hagitz egokia dela.
3 - Zergatik
hurbiltzen da jendea zuengana?
Konpromezua, kalitatea, gizatasuna eta harreman pertsonalizatuak ematen
ditugulakoz.
4 - Jendeak musika
mailarik izan behar al du zuengana jotzeko?
Ez. Mailarekin edo mailarik gabe etortzen ahal da jendea. Gu gara jendearengana
hurbildu eta egokitzen garenak.
5 - Izan duzuen
ikaslerik gazteena. Nor zen, non- goa?
Maider Lizarrondo, Arazuri-koa, urte eta erdi zituen.
6 - Izan duzuen
ikaslerik zaharrena. Nor zen, nongoa, zergatik joan zitzaizuen?
Claudio OlagŸe, 84 urteko Burlatarra, akordeoia gurekin segitzen du.
7 - Zein
da azken urtean modan dagoen musika tresna eta zergatik?
Gitarra klasikoa, ez dakigu, agian "Operaci—n triunfo"k eraginda edo.
Haize tresnak indartu nahi genituzke. Jendeak jakin behar luke soka tresnak
zailagoak direla jotzeko: bibolina, biola, txeloa, kontrabaxua, arpa.
Gitarra ere, hagitz zaila da goiko mailetan.
8 - Pentagrama
leitzen jakin gabe jo al daiteke musika tresnarik?
Bai, hasieran imitazioaren bidez ikasten da. Geroxeago jendeak leitzen
ikasten du, izan ere, errazagoa baita. Ez da beharrezkoa, baina izugarri
laguntzen du.
9 - Zeintzuk dira
aurtengo ikasturtean SOL SOSTENIDOK dituen erronka edo helburu nagusiak?
Ezagutzera eman jendartean, mundu guztiari esan nahi diogu guk irekiko
dugula MUSIKALDI izeneko ikastetxe berria. Guk libre moduan egiten den
ikaskuntza lehenesten badugu ere LOGSEk onartzen ez duenez ikasketa plana
prestatu dugu jendeak maila bakoitze ko azken kurtsoan sar dadin.
10 - MUSIKALDI
kontserbategia sortu duzue duela gutxi. Noiz hasiko da martxan eta zein
izanen dira helburu nagusiak?
MUSIKALDI musika ikastetxe profesionala izanen da. Datorren ikasturtean,
irailean hasiko da martxan. Ofiziala izanen da eta Oinarrizko Mailako,
Erdi Mailako eta etorkizunean Goi Mailako agiri ofizialak banatuko ditu.
Gure helburua argia da: gure ikasleak onenak izatea.
11 - Zer ikasi
ahal izanen dugu kontserbategi berri horretan?
Norentzat dago prestatua? Tresna guztiak: klasikoak eta modernoak. 7 urtetik
gorako ikasleentzat. Sartzeko sarrera probak izanen dira.
12 - Musika ikas
daiteke? Ez al da arte bat, gustukoa izan beharrekoa?
Hain zuzen ere hori da gure ikasteko erak bulkatzen duena: musika maitatzea
eta horrek dakarren guztia. Guretzako musika artea da: komunikazio eta
adierazpen era ederra.
13 - Musika maite
ez duen mutikoa edota neskatoa bidali al behar dute gurasoek musika ikastera?
Merezi al du? Musika denok maite dugu. Ikasteko egoerak dira atzera egitera
bulkatzen digutenak. Musika irakaskuntza ez da erasokorra, ez horixe!
Musika irakasle anitz dago era dibertigarrian irakasten duena: musika
motibagarria den arloa bihurtzen dute. Kalitatezko irakaskuntzak eta exigentzia
maila izateak beste guztia bermatzen duela pentsatzen dugu.
14 -
Non dago, zure ustez, musika ikasteko gakoa?
Zer da garrantzitsuena? Gakoa musika haurraren eguneroko bizipenekin-lotzea
da, hurbil-hurbiletik bizi dituen esperien tziekin. Hoberena ikasleen
aldetik joera bat izatea da, sen musikala izatea, baina pedagogia on bat
ezarrita hagitz erraza da umeak musikarekin maitemintzea.
15 - 40 urteko
andre batek ikas al dezake gitarra jotzen?
Noski baietz.
16 - ¿Qué
es ser buen músico?
Musika adierazteko era bat da. Musika ez da jotzea bakarrik. Bizitzea,
adieraztea, gozatzea, sentitzea ... Barne-barneko bizipenak dira, eta
hauek emanen digute musikari on bat bereizteko gakoa.