Aritz Izko no es joven cualquiera, con 15 años es medalla de bronce de lucha grekorromana y judo. Es socio de Axular y nos cuenta en esta entrevista que el trabajo diario y el entrenamiento son las claves del éxito. Los interesados en practicar estos deportes pueden pasar por las oficinas del club en la Plaza Francisco Ardanaz-Soldau de Burlata

5 egun astean entrenatzen dut: 2 egunez judo eta 3 egunez borroka. Orain gerriko beltza atera behar dut judon eta gehiago entrenatu behar dut. Borroka Jose Menendezekin egiten dut, judoa, aldiz, Pedro Garciarekin. Judoan eta borrokan luze jarraitzea espero dut txapelketetan, eta gero, entrenatzaile bezala aritzea gustatuko litzaidake

Aritz Izko del Valle, burlatar gazteak 15 urte ditu. Saskibaloia eta mendiko bizikleta dira bere kirol maiteenak eta Koma musika taldeak liluratzen du. Oporrak pasatzeko leku lasaiak ditu gustuko eta larunbat arratsaldea pasatzeko lagunak baino gauza hoberik ez dagoela esan digu. Arranoa da bere animalia gustukoena; kolore bat aukeratzeko galdetuta gorria aukeratzen du lehenengo kolpean.

Orain artekoa irakurrita, Aritz gazte arrunta dela esanen genuke, baina ez dela horrela, ezta pentsatu ere, Aritz Espainiako brontzezko domina da grekoerromatar borrokan, baita judoan ere. Aitzakia ederra galdera batzuk luzatzeko, izan ere, Axularreko bazkideen artean gutxi dira horrelako curriculuma dutenak. Honatx egindako galderak:

Zer dela-eta hasi zinen horrelako kirol bitxiak (grekoerromatar borroka eta judoa) egiten?
Zerbait egin behar nuen eta nire gurasoak judora apuntatu ninduten 4 urteekin, gero 12rekin borrokarekin hasi nintzen.

Zer da garrantzitsuena borrokalari ona izateko? Teknika indarra, azkartasun handia izatea eta asko entrenatzea.

Eta judoka ona izateko?
Ia-ia ezaugarri berberak zeren kirol antzekoak dira eta kondizio berdinak behar dira.

Leku askotara joan al zara borrokatzera?
Nire lehen txapelketa Euskal Herritik kanpo Murtzian izan zen, gero Almeria, Valladolid, Gijon, Sagunto, Madril, Bartzelona, eta Gasteizen egon naiz eta guztietan gauza pila gustatu zaigu.

Judo kirolak badu fama txar pixka bat. Zergatik uste duzu? Judokak basatiak eta erasokorrak al zarete?
Nik ez dut hori inoiz entzun, gainera judoa ez da kirol arriskutsu bat eta judokak guztiak bezalakoak gara.

Judoa, kick boxinga, boxeoa kirolak dira? Zergatik?
Kirol gogorrak dira bai, baina arau batzuk dituzte eta ez dira gertatzen lesio asko. Futbolean eta horrelako kiroletan lesio gehiago gertatzen direla ez dago dudarik.

Zein da egiten duzun prestakuntza grekoerromatar borrokan?
Zehaztu zenbat aldiz entrenatzen duzun, nola, norekin... 5 egun astean entrenatzen dut: 2 judo eta 3 borroka. Orain gerriko beltza atera behar dut judon eta gehiago entrenatu behar dut. Borroka Jose Menendezekin egiten dut eta judoa Pedro Garciarekin.

Lagun asko al zarete Euskal Herrian borrokan aritzen zaretenak?
Nafarroan bakarrik talde bat gaude baina Gipuzkoan eta Araban gehiago daude.

Noiz arte arituko zara kirol horiek lantzen?
Momentuz ez dut uztea pentsatu. Judoan eta borrokan luze jarraitzea espero dut txapelketetan, eta gero, entrenatzaile bezala aritzea gustatuko litzaidake.

Norbait interesatua badago kirol horiek praktikatzeko, zer egin behar du?
Burlatako polikiroldegira joan daiteke astelehenean, asteazkenean eta ostiraletan 5etatik aurrera eta asteartean edo ostegunetan 7etatik aurrera. Bestela, pasa daiteke taldearen bulegotik Francisco Ardanaz plazan dago eta zabal-zabalik dago edonorentzat.