.Ander Erburu, Burlatatik Suitzara joan den musikaria

Ander Erburu es un joven que toca la flauta travesera, con 18 años se nos ha ido a Suiza a profundizar en el estudio de este instrumento musical. Con 7 años comenzó en el conservatorio Hilarión Eslava, en esta entrevista nos cuenta sus espectativas vitales

Jakina da musika ikasteko bidea oso luzea dela. Beraz, gomendagarria da ahalik eta lasterren hastea. Hori da Burlatako Ander Erburu Irigoienek egin zuena eta egun, 18 urterekin Goi Maila Suitzara egitera doa. Anderrek zeharkako txirula jotzen du eta adinez oso handia ez den arren, hiru sari lortu ditu hainbat lehiaketetan. Horregatik, Axular aldizkariak berarekin hitz egin du eta bere esperientziak eta asmoak kontatu dizkigu.

Orain 18 urte dituzu, eta dakigunez, hainbat urte daramazu zeharkako txirula jotzen, baina, noiz, non eta zergatik hasi zinen txirula ikasten?
Musika ikasten 7 urterekin hasi nintzen Burlatako Hilarion Eslava Musika Eskolan, beraz 11 urte daramat txirula jotzen. Musika tresna hau kasualitatez aukeratu nuen, hemengo kontserbatorioan kontzertu didaktikoak antolatzen zituzten ikasleek instrumentua aukeratzeko. Nik hasiera batean pianoa aukeratzeko asmoa nuen baina zehar-kako txirula entzunda, oso garbi izan nuen asko gustatu baitzitzaidan.
Burlatan 6 urtez ikasi nuen Oinarrizko Maila bukatu arte eta ondoren Sarasate Kontserbatorioan sartzeko probak gainditu nituen. Sarasaten beste 5 urtez egon naiz eta oraintxe bertan (ekainean hain zuzen ere) Erdi Maila bukatua daukat. Goiko Maila ikasteko Suitzara joanen naiz.

Suitzara joanen zara, eta han ikasteko froga ederrak pasa dituzu, azaldu zertan dautzan. Hainbat proba egin nuen, baina garrantzitsuena zeharkako txirulakoa zen. Azterketa hori egin nuen egun horretan oso ondo jo nuen, oso erlaxaturik eta hori nabaritzen da. Suitzan probatu baino lehen (hilabete bat lehenago) Pariseko kontserba- torio batean sartzeko proba egin nituen eta ez nuen plazarik lortu, oso urduri jarri nintzelako. Nire lehenengo azterketa garrantzitsua zen. Esperientzia hori izan ondoren Suitzara joan nintzen eta egun horretan oso ondo sentitu nintzen jotzen eta inoiz hobeto esanda "sonó la flauta". Oso proba zailak izan ziren, 60 lagun geunden eta bakarrik 3 plaza. Gero ekainean analisi eta harmoniazko azterketa egin nituen, baina horiek esan daiteke burokratikoak zirela, oso errazak iruditu zitzaizkidan. Herrialde horretan plaza nuela esan zidatenez, egiteko asmoa nuen beste lekuetan ez nuen egin, azken finean denbora eta dirua galdu behar nuen eta.

Nafarroako Gobernuak emandako bekarik jasoko duzu atzerrian ikasteko?
Ez. Azken bolada honetan prentsan agertu den bezala, gure Gobernuak bekentzako zuen diru kopurua txikitu eta ia ia desagertu egin du. Atzerrira ikastera joateko beka eskatzean jasotzen duzun erantzuna hauxe da: atzerrian ikasi behar duzuna Iruñean bertan egin dezakezu, beraz zu nahi duzulako kanpora joaten zara, zure erabakia da. Eta ez dute ulertzen kanpoan dituzten instalazio eta irakasleak ezberdinak direla...
Hemengo Gobernuak musika- riei kasu gutxi egiten die, oso oso bikaina izan behar duzu bere arreta lortzeko. Adibide batekin ulertzen da: izugarrizko auditorioa egin dute -Baluarte- eta gero kontserbatorioan ez dute ez instalazioak ezta irakasleria ere zaintzen. Beraz, Baluarte nafar musikariz bete- tzeko, nola lortuko dute!!

Beste arloetan gertatzen den bezala, musika ikastean ofizialki ikasketetatik aparte beste prestakuntza egiten duzue musikariek. Zertan datza?
Alde batetik ikasturtean zehar masterklassak hiri ezberdinetan antolatzen dira. Ni Donostian, Zaragozan eta Bartzelonan ariekin 15ren bat xirulari elkartzen gara eta egun pare batean aspektu batzuk lantzen ditugu. Normalean irakasle eta beste kideen aurrean zerbait jo behar da eta denon artean akatsak ikusten ditugu eta konpontzen saiatzen gara.
Beste aldetik udan hamabost eguneko ikastaroak antolatzen dira. Horietan musikalari asko elkartzen gara: piano-joleak, xirulariak, biolin-joleak... eta horietan berezitasuna lantzen da. Izan daitezke soinua, teknika... Irakasleak behar duzuna zer den aholkatzen du.
Nik uste dut jardunaldi hauek oso onak direla, beste lagunen ikuspuntua ikusteko aukera ematen dutelako. Nire ustez, ezin zara beti irakasle batekin gelditu, aldatu behar dira. Irakasle batek zerbait esan ahal dizu eta beste irakaslek beste zerbait ikus dezake. Irakasle bakarrarekin ikasiz gero, ezin zara erabat formatu. Irakasle bakoitzak badu bere jotzeko modua eta musikariak berea bilatu behar du.

Teknika, arnasketa, artikulazioa, partiturak irakurtzea... Zer da zeharkako txirula jotzean garrantzitsuena? Zer da zuretzat zailena?
Txikitatik hasita teknika, eta aipatutako beste aspektuak ez dira hain zailak. Zailena niretzat interpretazio globala da. Bi musikaritu naiz. Horietan, irakasle batk maila berdina izan ahal dute teknikoki, beraz ezberdintzeko egiten duten interpretazioari erreparatu behar: ñabardura gehiago edo gutxiago egitea...

Zein da Musikako historian zehar izandako garaietatik gehien gustatzen zaizuna?
Guztiak gustatzen zaizkit, bakoitzak bere alde polita eta bere zailtasunak ditu. Garai bakoitzeko obrak jotzeko egileak zer esan nahi duen ondo ulertu behar da nire ustez. Mozart edo XX. Mendeko musika jotzea ez da gauza bera.

Bakarlaria izateaz gain, beste musika-tresnekin jotzen duzu: pianoarekin, haizezko beste instrumenturekin... Zeinekin gustatzen zaizu gehiago jotzea?
Niri gehien gustatzen zaidana da orkestra batean jotzea, hortxe oso gustura nago. Horretaz aparte, kontserbatorioan Ganberamusika irakasgaia dugu eta horretan beste instrumentuekin taldekatzeko aukera dugu.

Musikarako zaletasun hau nondik ateratzen da? Zure familian ere musikariak dira?
Aita oso zaletua da, baina ez du inoiz ofizialki ikasi. Pianoa jotzen du baina hori guztia bere kabuz egiten du. Nire arrebak ikasten zuen baina musikari utzi dio eta anai txikiak biolontxeloa ikasten zuen orain arte eta pianoa aukeratu du orain jarraitzeko.

Egunkarietan agertu zara lehia-keta batzuetan parte hartu duzulako eta gainera emaitza onekin. Kontaiguzu...
Beno, alde batetik Parisen ospatzen den UFAMeko lehiaketara bi urtez aurkeztu naiz eta bietan 2. saria lortu dut. Oso kontent nago horrekin, nazioarteko lehiaketak direlako eta curriculumean jartzeko egokia dela uste dut. Beste aldetik aurten hemen Iruñean Fernando Remacha Ganbera-Musikako Lehiaketan 1. saria lortu nuen Atarrabiako Itziar Perez de Ziritza piano-jolearekin. Lehiaketa hau bi urtero ospatzen da eta Nafarroako edozein talderi irekia da. Ikasturtearen hasieratik hasi ginen prestatzen oso modu zintzoan eta lanak bere fruitua eman zuen.

Zeintzuk dira zure etorkizunerako asmoak?
Niri gustatuko litzaidake orkestra batean aritzea, baina badakit hori oso zaila dela. Bestela zeharkako txirulako klaseak ematea gustatuko litzaidake.

Orain Suitzara zoaz, zenbat denbora-rako?
Ez dakit ziur, 3 edo 4 urterako. Momentuz eguberrietarako itzuliko naiz aben-duaren 20an Carlos III Kultur Artoan kontzertu bat jo behar dudalako eta horren ondoren ez dakit nola moldatuko naizen oporrak hemen pasatzeko.

ZORTE ON SUITZAN!!!