Aurten
ere poztasun handiz ospatu genuen Burlatako euskaldunok batzen gaituen
eguna: BURLATAKO EGUNA, hain zuzen. Makina bat ekitaldi antolatu zirenak
goizean hasi eta gaua iritsi zen arte. Hona hemen hamar argazkitan gertatukoaren
laburpentxo bat.
El Burlatako Eguna se consolida como uno de los actos más representativos de la vida sociocomunitaria de Burlata. Ofrecemos en 10 fotos un resumen de lo acontecido el 2 de julio en Burlata en el marco de la celebración de esta jornada cultural euskaldœn
DANTZARIAK Hagitz dantzari finak heldu zaizkigu. Gaxteak diren arren, eskarmentu pixka bat hartuta, dantzari trebeak izanen direla, ez du inork dudatan paratuko.
HAURRAK
Bai ongi pasa zutela haurrek. Haientzako ere baziren jostalekuak, bai
horixe! Goiti eta beheiti zebiltzan gomazko tresnak hagitz harrera ona
izan zuten haurrengandik.
HERRI
KIROLARIAK Igantziko gazte mardulak etorri zitzaizkigun beren abileziak
erakustera. Zaku altxatzeak izugarriak izan ziren. Makina bat jende aho
bete hortz gelditu zen.
ZAKU
PERTIGA Kirol jarduera hau guztiz berria izan zen jende anitzentzat, ederra
da ikustea euskal kirola zaharrak berreskuratzen ari garela ikustea.
ETA
JATEKO ... MAKARROIAK Hainbeste mugitu ondoren jan egin behar da. Pasta
izaten da errazena eta goxoena, ume guztiek maite dutena. Guztiek? Ez
dakit bada, argazkiko haurra hagitz pastazalea den?
ANTZARREKIN
ZAKUR ERAKUSTALDIA Bitxia izan zen hagitz zakur abilezia erakusketa: antzarrak
ziren maneiatu behar ziren animaliak. Ederki aritu zen antzarzaina bere
zakurttoarekin.
PINTXOA,
EDALONTZIA ETA BASOERDI ARDO Urtero bezala festagunean sartzearekin batera
aukera zegoen 2 euro pagatuta, errelleno pintxoa, basoerdi ardo eta edalontzia
eskuratzeko. Martinek eta Rosak ere, jakina, dastatu zuten mama goxua.
JENDETZA
ERMITABERRI IKASTETXEAN Jende dezente bildu zen ekitaldietara. Urtez urte
errotu den ekitaldia dela esan behar dugu zalantzarik gabe.
ZERU
ETA ANER Aner eta Zeru. Zeru eta Aner hantxe izan ziren, nola huts eginen
zuten, bada, Burlatako egunean? Ez horixe!
ARTISAUAK
Eskulangileek ere ez zuten hutsik egin. Belarritakoak, lepokoak, eskumuturrekoak,
panpinak, txontxongiloak, etabar.
