Nola hasi zinen txirrindularitzan eta nola izan da zure aurrerapena?
San Blas parrokiak antolatzen zituen Udako kanpaldietan dena hasi zen, nire lehengusina bat hara joaten zen, urte bat zeraman kanpaldietara joaten eta primeran pasatzen zuten; orduan ni ere joateko esan zidan eta apuntatu nintzen. Han, hemengo bi anaia ezagutu nituen, Burlatakoa.
Hauek "C.C. Villavés" taldean zuela bi urte entrenatzen zutela, guzti hau 12 urterekin gutxi gora behera izan zen eta bizikletaz ateraldiak egiten zituztela, entrenamenduak ere eta lehiake-tetan parte hartzen zutela ere kontatzen zizkidaten, dena den lehiaketetan bokatak ematen zituztela hoberena zen.Egun pare bat entrenamenduetan egon nintzen, ikusle bezala, eta apuntatu nintzen, batez ere bi anaia hauetariko laguntasunagatik eta geroztik bizikletan segitzen dut, orain arte. Hasiera batean lehiaketetara joaten nintzen eta bokatenak ilusio handia egiten zigun, aurrerago jendeekin laguntasuna sortzen da eta azken fase batean, oso argi baldin baduzu aurrera jarraitu nahi duzula, ba…..

Nik 17 urterekin profesionala izan nahi nuela oso argi nuen eta geroztik, egin dudan guztia bizikletarekin lotua izan da, egia esan ikastea inoiz ez zait gustatu eta beti aukera izan dut fruta dendan lan egiteko.
Esan dizudan bezala, "C.C. Villavés" taldean hasi nintzen eta han 18 urte arte egon nintzen, gero Caja Rural taldean, hau Burundako taldea zen, orduan beti Sakanatik ibiltzen nintzen. Afizionatu mailako 2. urtean Banestorekin fitxatu nuen eta han 3 urte afizionatu bezala eta beste 2 profesional bezala egon nintzen, osotara 5 urte.
Aurrerago ONCE taldean urte bat, desagertu arte eta beste bi Liberti seguros taldean egon nintzen Manolorekin.

Etxetik kanpo luze ego- ten behartzen zaitu bizikletak?
Bai, beti bezala entrenatzeko, kanpora ateratzea gustatzen ez zaion jende asko badago, baina hauek ibiltzeko toki ona dute etxe ondoan. Hemengo txarrena eguraldia da, azarotik aurrera beti 4 hilabete txarrak badituzu eta justu gehiago entrenatu behar duzunean eta hemen hotza handia egiten du eta oso euritsua da. Ni beti abenduan, eguberriak baino lehen Benidormera jaisten naiz eta gero urtarrila osoa pasatzen dut ere entrenatzen.
har duzu, gero deskantsatu, eta pixka bat esklaboa da.

Gero lehiaketak direla eta, eta kontu bat eta bestea denbora luze pasatzen da etxetik kanpo, 4 hilabete errez. Han Benidormen eguraldi bikaina izaten da eta lurra oso aldapatsua da.
Ea altueran entrenatzen dudan? Nik ez, gutxienez 3 aste behar dira ohitu arte eta pilo bat nekatzen zara, gustura entrenatzen dudan toki bat nahiago dut.

Kirol honetan zer da gehien eta gutxien gustatzen zaizuna?
…..kar kar kar, oso gutxi pagatzen dutela da gutxien gustatzen zaidana …..kar kar kar,...ez, ez, baina txirrindularitzan ez da beste lanetan bezala, 8 ordu lanean eta ateratzen zara nahi duzuna egiteko eta lanetik deskonektatzeko. Azken finean txirrindularitza, goi mailako kirol gehienak bezala, bizimodu bat da, entrenatu be

hh

Gehien gustatzen zaidana? Oso atsegina dela, esklaboa da baina batera atsegina, egun batean toki batera bazoaz eta beste egun batean beste toki ezberdin batera, entrenamenduak ez dira beti ordu berean, malguagoak dira; jende eta toki asko ezagutzen dituzu eta hori oso polita da.

Azken denboraldi hau, nola bizi duzu? (Garai-penak eta lista beltza)
Garaipenak ikusita bai, hoberena izan da, baina niretzat arazotsuena izan da, hiru lesio izan ditudalako, beno lesio bat eta bi erorketa eta azkenean arazoak izan ez direnean eta gauzak ongi joan direnean ba… bai. Urte bikaina izan dela esan daiteke.
Gero niretzat Euskal Bizikleta irabaztea izan da ..., txikitatik …. etxeko lehiaketa irabaztea izan da, betidanik irabazi nahi izan dudana, ez?.
Gero gertatu zaidana ba…, hori izan da; lau hilabete lesionatuta egon naizela.
Denboraldi polita izan da baina aldi berean "cojonera", arazo askorekin. Oraindik ere besoa atxikitzen zait eta eskumuturra ongi ez doala sentitzen dut, baina beno, lau pa bost hilabetetan gerra eman behar didala esan didate.

Aurtengo garaipenak ikusita. Handietako baten garaipenagatik lehian ikusiko zaitugu? Zein-tzuk dira zure hurrengo helburuak?
Agian! Beno momentuz aurten "Espainiako buelta" koa ikusteko izan behar zen, 3 asteko froga batean erreferentzia bat bilatzeko. Aste batekoa edo bi astekoa hor lehian egon naitekeela ikusi dut, ez?, orduan inkognita hor gainean dago. Nik uste dut datorren urtean, ia guztia gutxi gora behera planifikatua badugula, Frantziako Tourra ongi prestatzea garrantzitsuena izanen dela eta lortu postu on bat sailkapen nagusian eta ea zer gertatzen den. Oso Tour bikaina ateratzea izan daiteke, gorputzak ongi erantzuten dizu eta lehiaketa ongi ateratzen zaizu edo bestela kontrakoa ere izan daiteke.

Ni taldeko liderra? Ez, Marchante oso ongi dabil, Millar ere potentzial handiko txirrindularia da eta Simone, segun eta nola bukatzen den Giroa, ere bere aukera izanen du.
Dena den nik burua erabat Tourrean jarrita daukat; inoiz ez dut parte hartu eta urteak joaten zaizkit, ….kar kar kar.

Irabazteko pagatzen dioten txirrindulari bati, beste txirrindulariri garaipena uzten dionean, goitik zer esaten diote?
Aurten, Euskal Bizikletan, egin dudan bakarrean izan da, niri aldrebes gertatu zait, ihes eginda joatea, etapa eskura izan, irabazi behar duzula eman baina azken momentuan harrapatzen zaituzte eta zer nolako gorputza gelditzen zaizun!. Ni 30 lasterketa irabazi dituen txirrindularia ez naiz, baina egia esan Euskal Bizikletan zenbait gauzak koinziditu dira; alde batetik "Odriozola", beste taldeko zuzendaria ezagu-tzen nuen, beste alde batetik helmuga ondoan harrapatuko nuela kalkula-tua nuen, orduan Machini ez nuela aurreratu behar eta irabazten utziko niola esan nionean, honek ez zegoela inongo arazorik erantzun zidan, nire helbu-rua lortuta zegoen. Etapa eta gero zoriondu ninduen eta inoiz ere ez zidan trabarik jarri.
Nire barrutik atera zen zerbait izan zen eta jendea oroitzeko ez nuen egin, lasterketan erabat sarturik zoaz azken finean eta ez duzu gauza horietaz pentsatzen.
Irabazi zuenaren bere lehenengo garaipena izan zen, taldeak propaganda ona hartu zuen eta etapa irabazi banu baino gehiago oroituko naiz.

Orokorrean, atseden garaian zaudenean, nola da egun arrunt bat? Eta sasoi hoberenean egon behar zarenean?
Atseden egunean gogoko duzun gauza egitea da, ohean zaude, esnatzen zara …. eta gogoak badituzu ohean segitzen duzu; zerbait egiteko gorputza baldin baduzu, egiten duzu. Azken finean atseden eguna fisikoki des-kantsatzea izan behar da eta nahiz eta 2 ordu bizikletaz ibiltzera atera ez zara neka- tzen, baina batez ere desko- nektatzea suposatzen da.
Bat edo bi aste bitartez bizikletaz ahazten naiz eta nahi dudana egiten dut.
Entrenamendu eguna da …, hemen Iruñean altxatu bezain azkar, leihotik begira ea euria edota hotza egiten duen. Segidan gosaldu behar eta jantzi eta gero entrenatzera. Etxera iristen zarenean, dutxa on bat hartu, bazkaldu eta siestara joan behar duzu; arratsaldeko 5 edo 5,30etan altxatu berriro, buelta bat eman despeja- tzeko, afaldu eta goiz lo egitera berriro.

Burlatan zaudenean, zein da bizikletaz gehien gusta- tzen zaizun buelta?
Entrenatzen esan nahi al duzu? Ba Zubiri aldera joateko ohitura handia dugu, tokilaua da eta hortik Eugi aldera jotzen ahal duzu, mendate luzeagoak daude eta, bestela Auritz-berri aldera. Hau da gehien ibiltzen garen tokitik, baina entrenatzeko gehien gusta- tzen zaidan tokia da Abau- rreetatik joaten garenean, dena den buelta hau ekaina arte ezin dugu egin eguraldi kaxkarra dela eta, beti tenperaturak askoz baxua-goak dira baina buelta zoragarria da. Normalean hemendik Agoitzera, gero eskuin aldera eta Ilunberrin agertzen gara, hortik Iso mendatea eta Arbaiun arroilak eta gero Nabaskoitze eta Abaurreetatik Auritzberrin agertzen gara, bukatzeko Mezkiritz, Erro eta etxera. Oso buelta luze eta polita da, gutxi gora behera 160 Km. dira.

Zure beste zaletasunak, zeintzuk dira?
Mendian ibiltzea gustatzen zait, eskalatzea, urpekaritza asko gustatzen zait baina oraindik azterketa ez dut egin eta orokorrean denboraldi bitartean egiten ezin dudana gustatzen zait; eskiatzea, lehen askotan joaten nintzen baina orain lesioak direla eta, beti kontu handiz ibili behar da. Ordu asko egoten gara bizikletan eta gorputza horretaz ohitzen da bakarrik, orduan edozein aktibitate ezberdinak normala den baino gehiago nekatzen du eta kontuz ibili behar da.
Igeriketa ere asko gustatzen zait.
Ea nire burua triatloietan ikusten dudan? Egia esan ez, aski eta sobran "matxakatu" naiz eta hori ongi dago, baina eginen dudana nire kabuz eta nire airera izanen da, lehiarik gabe, nahiz eta hori beti zerbait erakarri.

Burlatan jaio eta bizi, txikitan nondik ibiltzen zinen, nondik jolasten zenuen, zer eskolara joan zinen...?
Mojen eskolara joan nintzen, Kaputxinetara hain zuzen. Askotan nire gurasoen fruta-denda atzean dagoen plazatik ibiltzen nintzen, orain konpon- duta eta txukuna dago, baina lehen erabat lurrezkoa zen, baita ere osasun etxe ondoan ibiltzen nintzen; beti etxetik hurbil, intxausti parkera, hain urrun, ez nintzen ausartzen joaten. Etxetik eta dendatik gertu egon behar nintzen.

Eta zalegoa zer iruditzen zaizu?
Egia esan hemendik zaleta- sun handia dago, baina Indu- rainen garaitik asko jaitsi dela egia da ere. Indurainek asko eramaten zuen eta are gehiago hemendik. Historiaren txirrindulari hobenetariko bat izateak xarma handia du eta nahiz eta orain ziklismo asko ona izan, asko igo diren kirol asko daude, formula 1, motoak ere asko ikusten dira, futbola eta abar. Horrekin eta jendearen hurbil dagoen izar bat ez izatea, gehi txirrindularitzan izaten ari diren arazoak direla eta, bai, txirrindularitzan zaletasuna asko jaitsi dela uste dut.
Orain dagoen zalegoa harrigarria da, lasterketara joaten naizenean ikusten dut, jendeengan grina handia sortarazten du, animatzeko era eta ikustera joateko hartzen duten paliza … eta jendea hain hurbil ikustea oso polita da, batzutan oilo pikorra ateratzen zaizu, txirrindularia hain hurbil ikustea oso polita da eta aldrebes ere