Mikel Razkin es uno de los responsables del 'Club de Ajedrez Mikel Gurea' de Burlada. Este club montó una gorda el pasado 18 de noviembre cuando consiguió atraer a 208 ajedrecistas, todo un récord en Navarra, que se dieron cita en Burlada para participar en el VIII Torneo Mikel Gurea. El polideportivo Hilarión Eslava acogió la VIII edición de este torneo de ajedrez, que contó con dos torneos paralelos e independientes: Sub 20 y Sub 14.

Nos ha parecido suficiente argumento el juntar a más de 200 personas como para reflexionar con Mikel Razkin sobre el ajedrez y su mundo. Si queréis acercaros a este mundo sólo tenéis que pasar por la Plaza Francisco Ardanaz de lunes a viernes, de 18 a 21 horas, por la Casa del Deporte. También podéis mandarle un e-mail a: mrazkin@hotmail.com

Mikel Razkin du izena eta bera da MIKEL GUREA XAKE TALDEKO arduradunetako bat. 1994. urtean Burlatan kluba sortu zuten hemen COU ikasten hasi zirenean. Hamahirugarren urtea da aurtengoa, ez da makala beraien ibilbidea eta lana. Erronkazale dira gainera, eta txapelketa bat antolatu eta jende pila ekarri dute Burlatara, Nafarroan egiten den handiena, hain zuzen.

Duela gutxi, azaroaren 18an hain zuzen kristoren txapelketa antolatu zuten Burlatako Hilarion Eslava polikiroldegian, bertan 208 pertsona bildu ziren egun guztian barrena. Xake klub honek hagitz garbi erakutsi du badakiela zer den txapelketa handi bat antolatzea, eta gainera laguntza federatiboa izan gabe. Mikel Gurea Txapelketak VIII. edizioa egiten zituen eta bi norgehiagoka hartu zituen 20 urtetik beherakoa eta 14 urtetik beherakoa. Lehen mailan Mikel Gurea A taldea izan zen garaile (Imanol Mart’nez, Iker Ira–eta, Aritz Mancha eta Andrea Garc’a), bigarrenak Orvina A taldea eta Calasanz Vitoria izan ziren. Jokalari onena Aitor Mart’nez, Zizur-Ardoi taldekoa izan zen, bigarren eta hirugarrenak Iker Ira–eta eta Aritz Mancha, biak Mikel Gurea taldekoak izan ziren.

Jende frankok ez daki Burlatan badagoela hagitz xake klub serioa eta indartsua, eta hori MIKEL GUREA izenekoa da. Axular aldizkarikook beraiengana hurbildu nahi izan dugu beren kezkak eta batez ere, informazio gehiago jaso nahian, izan ere, xake ez baita hagitz kirol ezaguna. Zoritxarrez futbola, saskibaloia, eskubaloia eta pilota gehiago nabarmentzen dira. Mikel Razkin jaunarekin hitzordua egin eta honatx berriketaldiak eman zuena.

Burlatara etorri zineten ezta?
Bai, 18-19 urterekin Burlatara etorri eta Kirol Patronatuan xake eskola osatzeko eskatu ziguten bertan klub moduan hasteko. Zortzi ikaslerekin hasi ginen baina azkar emaitza hagitz onak lortu genituen eta eskola indartsu bihurtu ginen. Egun bigarren kluba gara Nafarroan, kasik 50 lizentzia ditugula.

Zergatik MIKEL GUREA izena?
Escolapios ikastetxean hasi ginenean hautatu genuen. Calasanz B aukera hagitz itsusia zenez, scout taldearen izena hartu genuen: Mikel Gurea. Gaur egun scout taldea desagertu da eta guk aitzinera segitzen dugu izenarekin.

Zuen logoa nahiko makarra da Erregea urkatua. Zergatik?
Badakizu gazte garaian gauza ausartak egiten dira. Irreberentea da baina ez hainbeste. Xake mate arrunt bat da, errege xakemateatua da.

Zergatik hurbiltzen da jendea zuengana?
Guk hagitz emaitza onak ditugu. Nafarroako Kirol Jokoetan gure ikasleek arrunt emaitza onak lortu izan dituzte, bitan irabazi dituzte, 18 urtetik beherakoak bitan izan dira txapeldun absolutoak. Irakasle onak ditugu, eta hori ere baloratu egiten da. Konparaziora Mikel Huerga gurekin dago monitore lanetan, nazioarteko maisu izateko azken araua lortzear duena.

Xakea kirola al da?
Beti gauza bera erantzuten dut. Kirolak entrenamendu berezia eskatzen du, lana eskatzen du eta ondoren emaitzak etortzen dira. Xakean prozesu hori ematen da, berbera, beraz, kirola da. Hagitz kirol gogorra gainera, nahiz izerdi gutxi atera. Nekea, bai, handia izaten da, hori bai ez da azalerazten.

Xakea nondik etorri da gurera?
Indian sortua omen da, arabiarren bidez iritsi zaiguna. Erregeen joko garbia da, gerra bat antzezten duena, baina hagitz modu dotore eta garbian.

Zuen eskolara hurbiltzen dena nolakoa da?
Gure kluba hagitz ezberdina da. Gazteak gara oso. Geure buruari eman diogu formakuntza, hemen sortu dugu behar genuen guztia eta gure artean konpontzen gara. Ikasle gehienak mutikoak dira, 8 urtekoak etortzen zaizkigu, eta badira 20 urterartekoak ere. 16 pertsonak hamar urtez hemen jarraitzen dute.

Gurasoek ere parte hartzen al dute?
Guk inplikazioa eskatzen diegu, xakean aritu behar dute, ezagutu behar dute kirola beren semeak laguntzeko, guk erakusten diegu xakea eta ikasleak etxean lagundu behar dituzte. Txapelketetan ere lan handia egiten dute: mahaiak paratu, bokatak egin, ...

Zer moduz joan da Mikel Gurea VIII Txapelketa?
Izugarri ongi, lan handia egin dugu 208 pertsona erakartzeko. Komunikabideak ez dira sobera hurbildu baina pozik gaude. Kirol Patronatua hagitz ongi portatu da gurekin, Nafarroako Gobernuari ez diogu inoiz deus eskatzen. Lankidetza pollita izan da beste taldeekin. Federazioak, aldiz, hagitz guti lagundu du. Nafar Federazioak guti, gehiago egin du Euskal Feredakuntzak. 2500 euroko gastua izan du txapelketak eta benetan, lan handia izan dugu.

Ba al duzue harremanik Paz de Zigandako taldearekin?
Bai, hagitz ona gainera. Alvaro Ablanedok izugarri lagundu digu antolakuntzari dagokionez gure kluba eratzeko. Handia izan zen bere laguntza hasiera haietan gu artean 18 urteko mutiko berdeak ginela, bera beti egon da prest gu laguntzek eta klub bat nola antolatzen den erakusteko. Eskertzekoa izan da berak eman digun laguntza.

Hezkuntza eta xakea. Xakea eta hezkuntza. Zer deritzozu?
Nabaritu egiten da, irakaskuntzan xakea lantzen denean kontzentrazio ahalmena eta gaitasun logiko-matematikoa dezente hobetzen da. Xakean aritzean zure nortasuna taulan nabaritzen da, azkar ikusten ahal dugu nolakoa den ikasle bat bere jokoa aztertuta.

Xake jokalariak bizkorragoak omen dira ...
Xakean norbanakoaren nortasuna agertzen da. Mito hori ez da egia, xakelariak ez gara argiagoak, denetarik aurkituko duzu: jende fina, ona, azkarra eta jende gaiztoa eta errespeturik gabekoa. Bizitzan bezala hemen ere anitza da unibertsoa.

Eta horrelaxe eman genuen ordu luze bat hitz eta pitz. Badakizue, nahi duenak xake mundua ezagutu hagitz erraz du: Francisco Ardanaz Plazan dagoen Kirol Etxera joan ostiraletan arratsaldeko 6etatik 9ak arte. Ongi hartu zaituztete, etzazutela zalantza izpirik izan.